1.

Pi fon, pi fon mouin pralé,

Nan lamou Jézu, Sovè-m,

M-ap chèché konnin pouki,

Li té tèlman rinmin-m,

Pouki Li lonjé min Li,

Ouété-m nan grav péché,

Li té sové-m, Li té géri-m,

Malgré-m té byin égaré.

2.

Pi fon, pi fon mouin pralé,

Nan la soufrans dé Jézu.

M-ap suiv Li nan jadin an

Koté-L té soué san Li.

La Li pran fado doulè,

Péché lé mon-n antié

O chè Ségnè, Ségnè édé-m,

Pa kité-m dékourajé.

3.

Pi fon, pi fon mouin pralé,

Nan volonté Jézu-Kri,

M-ap prié konnin suiv Li

Pou fè Ségnè-m plézi.

Mouin vlé bésé dévan Li,

Prostèné nan pié Li.

Fè sa ou vlé, kasé kè mouin,

Fè-m gnou bon vèso tanpri.